Biz haqimizda

Bo‘limlarimiz va Ularning Vazifalari
1. Axborot-kommunikatsiya texnologiyalari va raqamlashtirish xizmati Ushbu bo‘lim kutubxona faoliyatini raqamli shaklga o‘tkazish, elektron ma’lumotlar bazasini shakllantirish, kompyuterlar va texnik qurilmalarni ish holatida ushlab turish, foydalanuvchilarga internet va elektron xizmatlardan foydalanish imkoniyatini yaratish bilan shug‘ullanadi.
2. Obonement va foydalanuvchilarga xizmat ko‘rsatish xizmati Kitobxonlarga adabiyotlar berish, ro‘yxatga olish, o‘qish muddati va tartibiga rioya etilishini nazorat qilish, doimiy kitobxonlar bilan ishlash, yangi kitoblar tavsiyasini berish, foydalanuvchi ehtiyojiga mos xizmat ko‘rsatishni ta’minlaydi.
3. Axborot-bibliografiya xizmati Foydalanuvchilarning ilmiy va amaliy izlanishlariga ko‘maklashadi, mavzuli bibliografik ro‘yxatlar, ko‘rsatkichlar, tavsiya etilgan adabiyotlar ro‘yxatini tayyorlaydi, kutubxonadagi axborot resurslaridan to‘g‘ri va samarali foydalanishga yo‘naltiradi.
4. Fondni to‘ldirish, saqlash va ularga ishlov berish xizmati Kutubxona fondini yangi adabiyotlar, davriy nashrlar va elektron resurslar bilan to‘ldiradi, mavjud kitoblarni tartibga soladi, saqlash sharoitlarini nazorat qiladi, ularni kataloglashtiradi va texnik ishlovdan o‘tkazadi.

Yangiariq tumani Axborot-kutubxona markazi o‘z faoliyatini yanada takomillashtirish, foydalanuvchilarga qulay va zamonaviy xizmatlar taqdim etish maqsadida quyidagi rejalar ustida ishlamoqda:
1. Kutubxona xizmatlarini raqamlashtirish Elektron katalog va onlayn kitob qidiruv tizimini joriy etish Foydalanuvchilarga masofadan turib kitob band qilish va o‘qish imkonini yaratish
2. Yoshlar bilan ishlashni faollashtirish “Yosh kitobxon” klubi tashkil etish Maktab o‘quvchilari uchun adabiy viktorinalar, tanlovlar, uchrashuvlar o‘tkazish “Bir kitob – bir sinf” loyihasini amalga oshirish
3. Madaniy-ma’rifiy tadbirlar tashkil etish Mahalliy ijodkorlar bilan ijodiy kechalar Kitobxonlik haftaliklari, ko‘rgazmalar va seminarlar Muqaddas sana va bayramlar munosabati bilan ko‘rgazmalar tashkil etish
4. Fondni boyitish va yangilash Yangi nashrlar, ilmiy-adabiy, badiiy va bolalar adabiyotlari bilan fondni to‘ldirish Elektron resurslar sonini oshirish
5. Axborot-ma'lumot xizmatlarini kengaytirish Foydalanuvchilar uchun yangiliklar byulleteni, bibliografik ko‘rsatkichlar tayyorlash Internetdan foydalanuvchilar uchun bepul ma’lumotlar bazasiga yo‘naltirish
6. Kutubxona muhitini modernizatsiya qilish Kutubxona interyerini zamonaviylashtirish Bolalar va katta yoshdagilar uchun alohida o‘quv zonalari yaratish Wi-Fi hududini kengaytirish