"Kitobxonlik haftaligi"ning ikkinchi kuni
Rasmlar
"Kitobxonlik haftaligi"ning ikkinchi kuni unutilmas taassurotlarga boy bo‘ldi
Bugun V Respublika “Kitobxonlik haftaligi” doirasidagi tadbirlarning ikkinchi kuni Yangiariq tumanida yuqori saviyada davom etdi. Yangiariq tuman Axborot-kutubxona markazi tashabbusi bilan 15-son Bolalar musiqa va san’at maktabida “Kutubxona – kitoblar xazinasi” mavzusida mazmunli tadbir tashkil etildi.
Tadbir davomida joriy yilda yubiley sanasiga to‘g‘ri kelayotgan mashhur asarlarning taqdimotlari bo‘lib o‘tdi. Ayniqsa, atoqli adiblar – Erkin Vohidovning “Oltin devor” va Abdulla Qodiriyning “O‘tkan kunlar” asarlari asosida sahnalashtirilgan sahna ko‘rinishlari barchada chuqur taassurot qoldirdi. Yosh ijrochilar tomonidan mahorat bilan ijro etilgan sahnalar tomoshabinlarda katta qiziqish uyg‘otdi.