“Tarix tilga kirganda” va “O‘zbekiston — mustaqil diyor”

Yangiariq tuman Axborot-kutubxona markaziga qarashli Qo‘riqtom qishlog‘idagi 1-ko‘chma kutubxonada O‘zbekiston Respublikasi Mustaqilligining 34 yilligiga bag‘ishlab “O‘zbekiston — dilbandiman” mavzusida 5-son maktabning faol o‘quvchilari ishtirokida mushoira kechasi bo‘lib o‘tdi.
Tadbir davomida o‘quvchilar Vatanni madh etuvchi she’rlardan o‘qib berdilar. Axborot-kutubxona markazi xodimlari yangi asarlardan kitob taqdimotini o‘tkazdilar, shuningdek, “Tarix tilga kirganda” va “O‘zbekiston — mustaqil diyor” mavzularida kitob ko‘rgazmasi tashkil etdilar.